Veurjoar
Negentienhonderd viem-veertig
In 't veurjoar negentienhonderd viem-veertig 
de vrae won in 'e loed met beierende klokken 
veurbie de barbaarse dütse oaverheersing 
mar'n laand vol fysieke en psychische brokken.

Dat oonzen noaber oe zoiets kan andoon 
woarum, greutsheidskolder, nich te snappen 
mèt oons nog völle aandere volkeren en 
ok zien eag'n volk kreeg de nödige klappen.

Vief joar 't juk van zinloos oorlogsgeweald 
oonze manleu sleupen op de knee in bèr 
iederbod gevoar en kon'n ze wödden e pakt 
naans wan'n ze veilig, op gin eankele stèr.

Met 'n vage en oetzichtloze eandbestemming 
mossen doezende börgers met "ster" op transport 
ze kwam'n nich wier of totaal ontredderd 
laauw zoargen dat dit nich vergetten wordt.

Van 't welvarende Hollaand dat wie ooit waarn 
was niks mear oaver, oet e blust, lam e slaagn 
duur schaarste, hongersnood en barre weanters 
stil biddend en hoppend op ééns bettere daagn.

Wanneer dan eandeluks veurgood de wapens zwiegt 
oonze daagelukse nachtmerries en aangst veurbie 
't smeulende vrieheidsgeveul koomp wier boaven 
un niej hoofdstuk... GODDAANK, WIE BINT VRIE.

Anny Lesscher-Schasfoort

WederAardigheden verkrijgbaar bij Boekhandel Reterink en de Historische Kring Wierden.